12 stk. miðlungs stórar bollur
Vatnsdeig
- 240 ml vatn
- 110 g smjör
- 1/2 tsk. salt
- 1 tsk. sykur
- 120 g hveiti
- 3-4 egg
Aðferð:
Vatnsdeig:
- Setjið vatn, smjör, salt og sykur saman í pott og hitið saman á miðlungs hita þar til smjörið hefur bráðnað og blandan er rétt svo farin að sjóða.
- Hellið hveitinu út í og hrærið stöðugt yfir hitanum þar til það allt helst vel saman í kúlu í u.þ.b. 2-3 mínútur.
- Takið af hitanum og setjið deigið í stóra skál og látið kólna í um það bil 3-5 mínútur.
- Hrærið saman eggin í annarri skál og bætið þeim við deigið í litlum skömmtum og hrærið vel á milli með sleikju eða í hrærivél.
- Áferðin á deiginu á að vera þannig að það leki hægt og svolítið erfiðlega af sleikjunni á nokkrum sekúndum. Deigið á að halda nokkurn veginn sömu lögun eftir að það er sett á plötuna en ekki leka út og verða flatt.
- Notið sprautupoka eða skeiðar til að mynda bollur á bökunarpappír á bökunarplötu.
- Bakið síðan bollurnar á 190°C í 30- 35 mínútur.
- Leyfið bollunum síðan að kólna á plötunni.
Kaffi Súkkulaði glassúr:
- 150 g Suðu súkkulaði
- 100 g heitt kaffi
Aðferð:
- Saxið súkkulaðið fínt og leggjið til hliðar.
- Hellið heitu kaffi yfir og látið standa í 5 mín. Hrærið saman með töfrasprota
Mascarpone rjómi:
- 300 g rjómi
- 200 g mascarpone
- 1 tsk vanilla
- 2 msk flórsykur
- 1-3 tsk möndlu líkjör/desarano (valfrjálst)
Aðferð:
- Hrærið allt samam með písk þar til að rjómin er orðin talsvert þykkari.
Samsetning:
- 250 g kaffi
- Ca 24 lady fingers
- Kakó til dusta yfir
Aðferð:
- Skerið bollurnar í helming, dreifið smá af kaffi súkkulaði glassúrnum í botnin. Brjótið síðan ladyfingers í helming og dífið ofan í kaffið og leggið í botn bollunar. Setjið nokkrar skeiðar af rjómanum yfir.
- Svo takið bara toppinn af bollunni og dífið ofan í súkkulaði glassúrinn og leggið hann ofan á. Kælið í ískápnum í uþb 30 mín og dustið síðan kakói ofan á.
- Berið fram, njótið og gleðilegan bolludag.
