Tyrknesk egg með grískri jógúrt

Þessi uppskrift gerir nóg fyrir 1 og jafnvel 2 skammta.

Jógúrt:

• 200 g Grísk jógúrt frá Biobu
• 1 hvítlauksrif rifin
• Smá sítrónusafi úr 1/2 sítrónu
• 1 tsk þurkað kóríander eða 2 msk saxað kóríander

Aðferð:

1. Hrærið saman gríska jógúrt, rifinn hvítlauk, kóríander og sítrónu. Kryddið með salt og pipar eftir smekk.
2. Dreyfið blöndunni í djúpan disk.

Hleypt Egg:

• 2-3 egg
• Vatn
• Smá matreiðslu edik

Aðferð:

1. Útbúið eggin með því að sjóða vatn í potti með dash af ediki (ca 1/2-1 tsk), þegar suðan er komin upp má lækka aðeins hitann og búa til spíral í vatnið með því að snúa því í hringi með sleif. Brjótið hvert egg í bolla og setjið eitt egg í einu útí vatnið. Leyfið um 10 sekúndum að líða á milli eggja. Stillið klukkuna á 3 mínútur og veiðið eggin svo uppúr með gataspaða og færið yfir á eldhúspappír.

Ristað brauð:

• 2-3 brauðsneiðar
• 15 g smjör

Aðferð:

1. Bræðið smjör á pönnu, leggjið síðan brauðið í pönnuna og ristið á báðum hliðum þar til að það er gullið brúnt

Kryddsmjör:

• 30 g smjör
• 1 tsk. Papriku duft
• 1/4 tsk chilli duft (valfrjálst)

Aðferð:

1. Bræðið smjör, papriku og chilli saman og leggjið til hliðar.

Samsetning:

1. Leggið eggin ofan á jógúrtblönduna og dreiðið síðan kryddsmjörinu yfir og toppið síðan með smá rifinni sítrónu og kóríander.
2. Njótið með ristuðu brauði.